Aktivéierung

• Wéi gëtt den neien 3D Secure aktivéiert?

  Et ginn 2 Méiglechkeeten:
  
  Dir hutt en Zougang zu BILnet? Wann Dir mat Ärem Internet Banking verbonne sidd, gitt an de Menü Kaarten, wielt 3D Secure an aktivéiert 3D Secure mat e puer Klicken fir Är BIL-Kreditkaart andeems Dir d’Aktivéierungsufro mat Äre gewinnte LuxTrust-Coden ënnerschreift. Dir kënnt direkt Är Kreditkaart op den 3D Secure Akaafssitë benotzen.
  
  Dir hutt nach keen Zougang zu BILnet? Gitt einfach opwww.3dsecure.lu a loosst Iech féieren.Dir kritt an deenen nächsten Deeg en Aktivéierungscode vun eiser Bank geschéckt, mat deem Dir Är Aktivéierungsprozedur op www.3dsecure.lu ofschléisse kënnt.

• Muss een den neien 3D Secure aktivéieren, wann een 3D Secure scho fréier benotzt huet?

  Jo, et muss een déi nei Versioun vun 3D Secure fir all Kreditkaart aktivéieren, déi Dir op enger 3D Secure-Internetsäit gebrauche wëllt.

• Dir hutt kee Schreiwes mat Ärem Aktivéierungscode kritt?

  Dir hutt d’Aktivéierung vun Ärer Kreditkaart fir 3D Secure iwwer de Site www.3dsecure.lu an net iwwer BILnet ugefrot?
  Dir misst e Bréif mat engem Aktivéierungscode kréien. Wann dëse Bréif net bannent den üblechen Délaie vun der Post bei Iech ukënnt, kontaktéiert w.e.g. d’BIL.
  
  Beuecht wegl., dass den Aktivéierungscode nëmme bannent 30 Deeg no senger Ufro gülteg ass. Wann Dir bannent dësem Delai eng weider Aktivéierung iwwert www.3dsecure.lu ufrot, gëtt en neien Aktivéierungscode verschéckt. Den éischte Code ass dann net méi gülteg.

• Di hutt en Aktivéierungscode kritt, awer de System acceptéiert en net. Wat maachen?

  Den Aktivéierungscode kann :
  
  - falsch sinn, well dir en net richteg aginn hutt. Dir hutt 3 Versich bis zum Blockage vum Code. Iwwerpréift d’Saisie vun Ärem Code (alphanumeresch Zeechen, Grouss- a Klengschreiwung). Iwwerpréift ob den Aktivéierungscode mat der um Ecran ugewisener Kaart iwwerenee stëmmt.
  - ofgelaf sinn, well de Gültegkeetsdatum vum Code (30 Deeg) iwwerschratt gouf. Den Aktivéierungscode gouf aus Sécherheetsgrënn desaktivéiert. Dir musst en neie Code ufroen.
  - blockéiert sinn. An dësem Fall kontaktéiert w.e.g. d’BIL.

• Woufir ass déi perséinlech Noriicht gutt a wat sinn hir Spécificitéiten?

  Déi perséinlech Noriicht erschéngt systematesch bei all Online-Akaf, fir Iech ze bestätegen, dass Dir Iech wierklech op enger iwwerpréifter 3D Secure-Bezuelplattform befannt.
  
  Fir Är perséinlech Noriicht (max. Längt 50 Zeechen) ze schreiwen, kënnt Dir gebrauchen:
  • d’Buschtawe vun A bis Z (Grouss- a Klengbuschtawen),
  • Espacen,
  • Bindestrécher,
  • Apostrophen.

• Kann een 2 LuxTrust-Token fir déi selwecht Kreditkaart enregistréieren?

  Nee, et kann nëmmen 1 LuxTrust-Token pro Kaart enregistréiert ginn.

• Kann een 2 Handysnummeren enregistréieren?

  Nee, et kann een nëmmen 1 Handysnummer pro Kaart enregistréieren

• Kann een eng Telefonsnummer enregistréieren, déi net aus Lëtzebuerg ass?

  Jo, Dir kënnt eng international Telefonsnummer enregistréieren.